Pegari Iban Production

Bup baru PIP

Iban Sarawak Pegai Rajah Brooke

Karung bup

Bup tu deka disadung maya minggu keterubah bulan Mei. Reti nya, sebedau gawai ila, bup tu udah bisi ba kedai-kedai ke dipilih di serata Sarawak, Johor, Labuan & Brunei. Penyampau ke dichelak nya bisi ikas lalu stok pan nadai mayuh ketegal rega nyelak ke chukup mar. Nya alai, anang enda meli jampat lalu tau booking ba kami diatu enti engai enda ampit.

Kita tau meli bup tu enggau rega RM50.00 nyengkaum kos ngepos ngena poslaju ngagai kita. Enti dibeli ba opis PIP di Bintulu, rega bup tu RM40.00 siti.

======================================================

Kelimpah ari bup tu, kami mega deka ngeluarka bup Novel Iban ke benama ‘REBAH PUNGGU ENDA BEDAUN’ enda lama da, lalu bisi ba kedai sebedau bulan NOVEMBER 2009. Rega bup Novel nya bedau ditetapka. Ika kami deka madah baru.

..

Selamat datai ke laman web baru kami

Semina gambar pengias

Selamat datai ke laman web baru kami. Anang lembau tauka sanggu meri komen awakka dikena kami ngansah penemu dikena nempa diri nyadi lebih meruan agi.

Semua lambar bisi alai meri komen, nya alai komen nuan endang dianti kami.

Terima kasih ke sukung kita.

Pekit Gambar

Berengkah ari volium ke 29 ila, dia kitai bisi pekit gambar. Gambar ke tau dianjung nya mesti gambar ti besangkut paut enggau pengawa tauka perengka kitai Iban/Dayak.

Anjung gambar kita ngagai kami lalu gambar ke dipilih deka NERIMA PEMERI ari kami. Pemeri nya sekalika mata duit, baju, ketapu, bup, VCD tauka utai bukai.

Gambar tau dikirum ngena pos tauka emel. Seretaka sampul surat besetem lalu bealamat diri empu enti kita deka kami ngepos gambar kita nya pulai baru.

Gambar ke dikirum mesti mega disempulang enggau penerang (info) pasal gambar nya lalu mesti bisi alamat tauka telefon pengirum.

Ngirumka gambar reti nya nuan ngemendarka kami nguna gambar nya ke dichelak ba majalah Pegari sekalika nyadi gambar pekit, gambar pengias tauka gambar karung MP.

Tanya ke silik tau betelefon enggau kami ba 086- 312611. (Pegari Iban Production).

-

-

-

BERITA /AKTIVITI BARU

Enda lama agi, kami deka ngeluarka dua iti bup. Siti nya bup ‘reference’ lalu siti nya novel Iban.

1. Iban Maya Pegai Rajah Brooke (Reference book) - dikarang Johnny anak Chuat & Nalong anak Buda
2. Rebah Punggu Enda Bedaun (Novel) - dikarang Ujih anak Stia
3. Kami mega bisi ngaga ‘Gallery Cafe’ ke tau alai belelak nguan lemai. Nyadi  ‘Gallery Cafe’ kami disadang deka dibuka enda lama da agi.

Gallery Cafe

–